Mëngjesin e sotëm u raportua se Lumi i Drinos në Gjirokastër është mbuluar nga mbetjet spitalore të derdhura aty. Nuk dihet ende se kush i ka derdhur aty mbetjet, por gjendjen akoma në rrjedhën e lumit mbeturinat si gjilpëra një përdorimshe, ampula të ndryshme, dhe preparate të tjera të rrezikshme për ambientin, njeriun dhe gjënë e gjallë. Të parët që kanë ngritur këtë shqetësim kanë qenë banorët e Lazaratit, të cilët janë përdorues të një ure që ndan lumin në krahun lindor të luginës.
Ata shprehen se mbeturinat spitalore i merr lumi kur ka rrjedhë ndërsa tani zbrazën në kushtet e thatësirës duke rrezikuar bagëtitë apo dhe ata vetë. Sipas banorëve të zonës se kjo situate është e përhershme por nuk i vendosin gishtin askujt për hedhjen e tyre në lumë. Ata shumë herë kanë kërkuar nga autoritetet vendore ndërhyrje për këtë gjendje por deri tani asgjë.
Sakaq, edhe më i çuditshëm bëhet fakti se nga kanë ardhur këto mbetje, ku në Lazarat funksionon një qendër shëndetësore. Askush nuk guxon të shprehet për këtë çështje pasi u kushton vendi i punës. Administratori i Lazaratit Muharrem Basha nuk ka pasur dijeni për këtë rast e ndërkohë, ka lajmëruar autoritetet shëndetësore për ndërhyrje.
Discussion about this post