Presidenti francez Emmanuel Macron tha sot se strategjia ushtarake e Francës deri në fund të dekadës duhet të fokusohet në forcimin e vendit si një fuqi bërthamore e pavarur dhe e respektuar.
“Evropa nuk mbrohet më nga raketat dhe dronët dhe ne duhet ta pranojmë këtë realitet”, tha Macron.
Deklaratat i bëri nga bordi i helikopter-mbajtësit Dixmude, të ankoruar në bazën ushtarake mesdhetare të Toulon, e cila është shtëpia e më shumë se 24 mijë trupave franceze.
Duke paraqitur planin strategjik kombëtar të Francës, i cili duhet të përcaktojë se si do të duket mbrojtja e vendit në vitin 2030, Macron tha se agresioni rus kundër Ukrainës mund t’i paraprijë rivaliteteve më të gjera gjeopolitike dhe të ardhmes.
“Franca dëshiron të jetë një fuqi e pavarur, e respektuar, e shkathët në zemër të Evropës me lidhje të forta me aleancën e NATO-s”, u shpreh Macron.
Presidenti francez vizitoi sot nëndetësen më të re bërthamore të Francës, Soufren, përpara se të takohet me anëtarët e marinës franceze më vonë gjatë ditës.
Discussion about this post