Java e 12të e Premier Ligës angleze vuri përballë Watfordin dhe Manchester United, këta të fundit në kërkim të fitores pas disfatës me Manchester City-n.
Solksjaer kishte në fushë të gjithë elementët e tij më të mirë, por që nuk mundën ti bënin ballë formës fantastike që Watford tregoi që në pjesën e parë.
Vendasit rrezikuan portën e ‘djajve’ që në minutat e para, por De Gea do të bënte mrekullinë duke shpëtuar golin. Sërish Watford nuk do të ndalonte sulmet, për të zhbllokuar rezultatin e takimit në minutën e 28’ falë golit të King dhe me Sarrin që dyfishon avantazhin në fundin e pjesë së parë.
Pjesa e dytë do të niste e gjitha në sulm për Manchester Unitedin e Cristianos, ku Van de Beek në minutën e 49 do të bënte ndryshimin, për të shënuar golin që e ktheu në lojë Unitedin, falë asistit të Sancho që tundi rrjetën e Watford, duke i dërguar shifrat në 2-1.
Në kërkim të barazimit, situata do të tensionohej për ‘djajtë’ ku minuta e 69’ do ti gjente ata me 10 lojtarë, pas ndëshkimit me karton të kuq të kapitenit Maguire, duke i hapur kundërshtarit të gjitha hapësirat e nevojshme në mbrojtje, që arrijnë të thellojnë avantazhin me golin e Pedro në minutën e 92’ dhe Dennis vetëm pak momente më pas, me shifrat totale të takimit që shkojnë në 4-1.
Një moment i vështirë ky për Manchester United, që arkivojnë humbjen e dytë radhazi në kampionat duke e vënë trajnerin Solskjaer në pozitë mjaft të sikletshme.
Discussion about this post