Një aksident është shënuar mëngjesin e të enjtes në Lezhë, ku një makinë është përplasur me një kamion. Ngjarja ka ndodhur rreth orës 06:30, në vendin e quajtur “Rrethi i taksive”.
Për pasojë kanë mbetur të plagosur shoferi dhe bashkëshortja e tij, pasagjere në automjet. Ata janë transportuar në spital, për ndihmë mjekësore dhe janë jashtë rrezikut për jetën.
Njoftimi i policisë
Rreth orës 06:30, në vendin e quajtur “Rrethi i taksive”, automjeti me drejtues shtetasin Ll. N. është përplasur me automjetin kamion me drejtues shtetasin P. N..
Si pasojë janë dëmtuar drejtuesi i automjetit, shtetasi Ll. N., 44 vjeç, dhe pasagjerja në këtë automjet, shtetasja A. N. (bashkëshortja e tij), të cilët janë transportuar në spital, për ndihmë mjeksore, dhe janë jashtë rrezikut për jetën.
Grupi hetimor po punon për sqarimin e rrethanave të aksidentit”.
Discussion about this post