Pas Kosovës, kryeministri Edi Rama ka vendosur të ironizojë çdo shtet që refuzon të bëhet pjesë e “Open Balkan”.
Njëjtë ka vepruar në konferencën e sotme me Malin e Zi, pasi ky i fundit refuzoi nisëm. Rama tha me ironi se Mali i Zi ka vendosur të mos i bashkohet nismës “Open Balkan” pasi pret të anëtarësohet në Bashkimin Europian vitin e ardhshëm.
“Ata presin të futen në BE vitin tjetër, këtë gjë ma ka thënë kryeministri. Unë e mirëkuptoj dhe i kam thënë që po u futën në BE, do të kemi një mbështetës më tepër në BE. Të shohim nëse do të futen në BE apo ajo, unë i uroj vërtet që ta fusin në qershor. Ne nuk e kemi informacionin që qenka gati kjo punë. Kur ta fusin në BE, jam i bindur që do ta mbështesë Ballkanin e Hapur se ne na shikon si vende që jemi pak më mbrapa. Nëse nuk e fusin në BE, i kam thënë “bujrum” të vijë te Ballkani i Hapur”, tha Rama.
Më herët, kryeministri i Malit të Zi Zdravko Krivkapiçi, tha se mbështet çdo lloj nismë të organizuar për të mirën e Ballkanit, por vetë refuzoi të marrë pjesë.
Discussion about this post