Është mbyllur java e 17-të e Premier Ligës angleze ku Manchester City u përballë me Leeds që udhëtonte në transfertë.
Skuadra e Pep Guardiolës e ka ‘turpëruar’ kundërshtarin duke i mundur me rezultatin 7-0, ne ndeshjen që këto shifra mund të ishin edhe më të mëdha.
Seria e golave u hap nga Foden që në minutat e para, për tu ndjekur më pas nga Grealish dhe De Bryne, duke e ‘kursyer’ Lëdsin vetëm me rezultatin 3-0 në pjesën e parë.
‘Stërvitjen’ Manchester City e vazhdoi edhe pjesën e dytë, me Mahrez që hap serinë e golave në minutën e 49’ për pjesën e dytë. De Bryne do të realizonte dopietën e tij personale në këtë takim duke shënuar sërish dhe pas tij do të ishin edhe Stones dhe Ake.
Një dopietë e mohuar do të ishte edhe për Foden, që nëse sistemi VAR nuk do të ndërhynte, ky rezultat do të ishte akoma më i thellë.
Në përfundim të kësaj sfide, Manchester City zgjeron diferencën me Liverpoolin e vendit të dytë të renditjes me katër pikë, duke mbledhur në total 41 të tilla, ndërsa Liverpool e ndjek me 37 pikë në vendin e dytë.
Discussion about this post