Mandati/ PS dorëzon Xhaçkën? Raporti: Çështja duhet të kalojë në ‘Kushtetuese’

Është zbardhur raporti Mazhorancës dhe Opozitës për mandatin e Olta Xhaçkës i cili do të votohet të enjten në Kuvend.

Deputetët e Partisë Socialiste në konkluzion argumentojnë se çështja duhet të kalojë në Gjykatën Kushtetuese, duke theksuar se vendimet e saj janë të detyrueshme për zbatim.

Por gjithsesi i lihet në çmim seancës plenare. Deputetët e PS ende nuk kanë marrë një orientim se si duhet të votojnë.

Kujtojmë se lkp çështje nisi kur grupi parlamentar i PD dorëzoi mocionin për heqjen e imunitetit të deputetit për ministren e Jashtme Olta Xhaçka, me argumentin se bashkëshorti i kësaj të fundit në kundërshtim me ligjin ishte shpallur investitor strategjik.

Në mocion shkruhej: “Kompania e krijuar menjëherë pas miratimit të ligjit për investimet strategjike AG. TCC shpk në pronësi të bashkëshortit të ministres dhe deputetes znj. Olta Xhacka, ka përfituar statusin e investitorit strategjik për ndërtimin e një hoteli disa katësh me 5 yje në një sipërfaqe zhvillimi prej 10,592 m² dhe me vlerë rreth 5,5 milion euro, në Gjilekë, Bashkia Himar. Shoqëria në pronësi të bashkëshortit të ministres dhe deputetes znj. Olta Xhacka ka përfituar masën mbështetëse të lejimit të përdorimit të bregut para hotelit për një periudhë 30 vjeçare, si dhe përfiton nga incentiva e reduktimit të TVSH-së.”.

Ndërkohë trualli ku është ngritur hoteli i Xhaçkës është në sekuestro dhe dosja po hetohet nga SPAK.

gijotina.com/