Avokati Ylli Manjani, i ftuar në ‘A Show’ në SYRI TV, ka folur për skandalin e përgjimit të Gjykatës Kushtetuese nga SPAK pa vendim gjykate. Pjesë e këtij përgjimi ka qenë dhe vetë Manjani, i cili u shpreh se, nuk e ka problem këtë fakt, sepse është përgjuar edhe herë tjetër nga SPAK.
Sipas avokatit Manjani, SPAK i ka kërcyer në qafë Gjykatës Kushtetuese, për të ndikuar në vendimin për Sky Ecc.
‘Në punën time si avokat, e marr të mirëqenë se në çdo çështje ka sensitete të kësaj natyre, dhe përgjimet që mund të mos autorizohen për ne drejtpërdrejtë jemi pjesë e atyre dhe kështu është dhe rasti në fjalë.
Po të lexohet me vëmendjen urdhri i përgjimit, autorizohet drejtpërdrejt përgjimi i gjyqtarit, por si dhe persona të tjerë, që aludohet dhe thuhet qartë për avokatët që bëjnë presion mbi gjykatën dhe unë jam avokati i asaj çështje, bashkë me dy kolegë të tjerë, kështu që unë e marr të mirëqenë se nëse është autorizuar përgjimi ndaj tij, është dhe ndaj meje.
Por unë nuk e kam këtë problem, aq më tepër nga SPAK, që njihemi edhe në përgjime të tjera të mëparshme. E kam ditur dhe e di dhe nuk kam asnjë problem.
Këtu nuk jam unë fokusi dhe as kolegu im. Fokusi është beteja institucionale, që do të thotë se fokusi është Gjykata Kushtetuese e Shqipërisë, e cila jo vetëm këtë çështje. Kjo është një ndër çështjet më të debatueshme në Europë, për mënyrën se si administrohet Sky Ecc.
Por askund në Europë nuk ka ndodhur që prokuroria që është palë në proces ti kërcejë në qafë gjykatës që ti diktojë vendimin. Kjo ka ndodhur. Vendimin nuk e kemi diktuar ne, se po ta kishim diktuar, do na kishin rrasur brenda.
Gjykata Kushtetuese ka refuzuar që të bëjë gjyq, nuk ka hapur sallën e gjyqit që të na dëgjojë neve, prokurorët që të na dëgjojë. Por janë mbyllur në bunker, që ligjërisht quhet, dhomë këshillimi, sa e ndyrë, por në koncept fakti që ti merr vendime mbyllur, gjithkujt i lind dyshimi se pse e bën fshehtas, pse ke frikë nga gjyqi i hapur. Ky është diskutimi.
Mbyllja e gjyqeve lind dyshime, SPAK e ka në dorë ta përgjojë. SPAK është më i fortë edhe se gjykata. Këto kanë ndodhur në komunizëm, se po të thoshte prokurori ke marrë fund’, tha ndër të tjera avokati Ylli Manjani
Discussion about this post