Ish-futbollisti i skuadrës së Juventusit, Klaudio Markizioi ka deklaruar së fundmi se bardhezinjtë nuk janë aspak në garë për titullin kampion por vetëm për një vend në kupat e Europës duke kujtuar kohën e Delnerit.
“Nuk shikoj asnjë ngjashmëri të kësaj skuadre me atë të sezonit 2015-2016, kur ia dolën të riktheheshin në garën për titull e më pas ta fitonin. Ku ka shkuar ADN e Juventusit? Më duket sikur është viti i Delnerit. Kjo skuadër më ngjason me atë të vitit 2010-2011, kur e mbyllëm kampionatin në vendin e shtatë.
Kur futesh në një spirale negative atëherë nuk është e lehtë të dalësh prej andej. Grupi i futbollistëve te Juventus nuk është i keq, por iu mungon identiteti. Është e vështirë të kuptosh idenë e lojës dhe duket siku rata kanë nevojë për një tronditje të madhe në mënyrë që të reagojnë”, tha Marchisio.
