Deputeti demokrat Tritan Shehu, martesën mes dy vajzave në çatinë e Tiranës e ka cilësuar akt nul dhe butaforik.
Sipas Shehit, është një provokacion për të testuar publikun, për të zhbërë konceptin e familjes dhe për t’i hapur rrugë diskriminimit të fëmijëve.
Ndër të tjera deputeti shprehet se çështje të paligjshme si këto, prishin ekuilibrat natyrale dhe biologjike.
Reagimi:
“Martesa homo” në çatinë e Bashkisë, akt nul, butaforik!
Një veprim i paligjshëm ky, veçanërisht në një institucion shtetëror.
Nje tentative të nëpërkëmbësh shtetin, institucionet e tij dhe ligjet e këtij vendi.
Nje teatralitet mashtrues i dikujt të pilotuar, që kërkon të paraqitet si klerik katolik.
Në realitet një provokacion për të testuar publikun…
Në vigjilje të tentativave të kësaj Rilindje për të goditur Kodin e Familjes në thelbin e tij të vlerave dhe mbrojtjes së shoqërise njerëzore.
Për të çbërë konceptin e Shenjte për Familjen nga një Burre, një Grua e me shpresë Fëmijët.
Për të çuar drejt të ashtuquajturave familje homo, trans e një liste të gjatë të tillash!
Për të hapur rruge diskriminimit të femijëve, nëpërmjet mundesisë së adoptimive nga çifte homo, trans, etj, etj.
Çështje këto të paligjshme për Republikën tonë, qe prishin ekuilibrat natyralë, biologjikë, historik, vlerash, egzistence të njerëzimit vetë.
Diskriminuese për vetë shoqerinë tonë në tërësi.
Në vazhdën e tentativave si “uterusi” me qera etj, që të çojnë në fakt aty.
Tek diskriminimi i fjalëve sublime Nënë e Baba me termat bosh, prindërit 1,2,3,4,5…
Në fund dëshiroj të përshëndes fort deklaratën e qartë e dobiprurëse t KISH.
Discussion about this post