Roberto Martinez, i cili aktualisht drejton kombëtaren belge, është përfolur si personi i cili do të drejtojë Barcelonën. Ka qenë vetë tekniku spanjoll, ai i cili ka dhënë fund këtyre thashethemeve, duke bërë me dije se do të qëndrojë në krye të “djajve”.
Nga ajo çka raporton gazetari italian Fabrizio Romano, trajneri është shprehur: “ Nuk është e lehtë të flasësh për këtë temë. Kam punuar prej 5 vitesh me kombëtaren belge dhe jam 100% i fokusuar aty. Ne jemi duke u përgatitur për Kupën e Botës, nuk mund të shtoj më asgjë”.
Situata aspak e mirë tek Barcelona, ka detyruar drejtuesit e klubit spanjoll të mendojnë edhe për trajnerin e ri. Ronald Koeman është shumë larg objektivave, të cilat i janë vendosur nga klubi që prej emërimit në krye.
