Ndërkohë që Ukraina kërkon drejtësi për masakrën në Bucha, autoritet ndërkombëtare po veprojnë. Në një deklaratë ditën e sotme Michelle Bachelet, komisionerja e lartë e OKB-së për të drejtat e njeriut deklaroi se të gjitha trupat duhet të zhvarrosen dhe të identifikohen në Bucha, në mënyrë që të mund të hetohet për krime të mundshme lufte.
“Jam e tmerruar nga imazhet e civilëve të vdekur në rrugë dhe në varre të improvizuara në qytetin Bucha në Ukrainë. Raportet që dalin nga kjo dhe fusha të tjera ngrenë pyetje serioze dhe shqetësuese në lidhje me krimet e mundshme të luftës, shkelje të rënda të ligjit ndërkombëtar humanitar dhe shkelje serioze të ligjit ndërkombëtar të të drejtave të njeriut”.
Ajo tha se është me rëndësi që të gjithë trupave t’u bëhen analizat dhe të identifikohen “Është thelbësore që të gjitha trupat të zhvarrosen dhe të identifikohen në mënyrë që familjet e viktimave të mund të informohen dhe të përcaktohen shkaqet e sakta të vdekjes. Duhet të merren të gjitha masat për të ruajtur provat”, tha ajo.
Discussion about this post