Hyrja në fuqi e masave të reja kundër Covid-19 në Shqipëri ka penalizuar edhe drejtuesit e kamionëve. Kategori e cila përgjatë gjithë periudhës së pandemisë nuk ka pasur probleme në lëvizjen jashtë Shqipërisë. Por prej datës 6 drejtuesit e kamionëve do të duhet të paraqesin certifikatë vaksine ose tampon në të kundërt kalojnë në karantinë 14 ditore.
Eglen Xhelollari është drejtues i mjeteve të tonazhit të rëndë i cili ditën e sotme është detyruar nga policia kufitare në Kapshticë të karantinohet për 14 ditë pasi nuk ka paraqitur asnjë nga dokumentacionet e kërkuara për hyrjen në Shqipëria. Ai ka pranuar se nuk është i vaksinuar por thotë se sa herë hyn në Greqi, i nënshtrohet testit të shpejtë gjë e cila ndodh me të gjithë drejtuesit e mjeteve të tonazhit të rëndë. Ashtu siç tha se këta drejtues kanë lëvizur lirshëm edhe atëherë kur pika kufitare e Kapshticës ka qenë e bllokuar për të gjithë shtetasit shqiptarë dhe të huaj.
Numri i lëvizjeve ka qenë i pakët në pikën e kalimit kufitar të Kapshticës, Qafë Thanës dhe të Tushemishtit që prej hyrjes së masave të reja.
