Detaje të tjera rrengjethëse kanë dalë rreth mënyrës se si Klodian Çalamani vrau Maeton e Vogël. Dosja e plotë e publikuar nga Prokuroria zbardh të gjithë dinamikën se si arriti policia dhe prindërit të vogëlushit të bien në gjurmët e të birit, që pak orë më parë ishte groposur në mënyrë makabre nga Çalamani. Mësohet se, në orën 14:58 babai i Mateo Vasiu, Ligor Vasiu, ka bërë kallëzim penal se rreth orës 13:00 është njoftuar në telefon nga bashkëshortja e tij, se djali Mateo Vasiu, nuk kishte shkruar në banesë dhe nuk dihej vendodhja e tij.
Menjëherë pasi është marrë kallëzimi penal, shërbimet e Komisariatit të Policisë Fier, kanë shkuar në fshatin Grecalli, ku kanë kryer verifikime dhe kontroll territori. Nga kryerja e një kamere sigurie disa metra pranë banesës së të miturit, është konstatuar se, Mateo Vasiu, është parë të dalë nga banesa e gjyshes së tij në orën 10:33 dhe në orën 10:37 është parë të lëvizë me një biçikletë në lagje.
Në fakt Mateo, ka marrë biçikletën, pasi Çalamanit dhe ia ka dhënë që t’i blinte një bukë dhe pasi e ka marrë bukën në dyqanin e fshatit Matoe ia ka çuar Çalamanit për ta ngrënë. Me këtë gjë ai e ka mashtruar Maeton dhe e ka futur atë në banesën e tij, ku më pas ka kryer ekzekutimin dhe e groposi vogëlushin.
Mësohet se, policia ka bërë identifikimin e biçikletës që ishte e Çalamanit dhe për herë të fundit Mateo ishte parë duke lënë biçikletën në banesën e autorit. Kështu menjëherë është shkuar menjëherë për kontroll tek banesa e shtetasit Klodian Çalamani, i cili u gjend në banesë. Policia ka arritur të gjejë biçikletën, brenda në oborrin e shtëpisë. Por asnjë gjurmë të Mateos, ndërsa pas disa minutash kontroll në një distancë 22 metra nga hyrja e banesës, pranë një avllie, është dalluar një pjesë toke e punuar e freskët dhe në formë të çrregullt. Që nga larg mbi sipërfaqen e oborrit, policia ka dalluar dorën e vogëlushit, që dukej sikur kërkonte ndihmë edhe pse goditja me sende të fortë i kishte marrë jetën në vend.
Në gishtin tregues dhe në atë të madh të dorës vërehen njolla me ngjyrë të kuqe, si ato të gjakut. Në kyçin e kësaj dore vërehet e lidhur një lidhëse me ngjyrë blu. Pasi hiqet dheu, vërehet se në brendësi të gropës gjendet kufoma e një fëmije të seksit mashkull, ku në pjesën e sipërme, mban veshur një bluzë me ngjyrë të kuqe. Pasi hiqet trupi i fëmijës, vërehet se të dyja këmbët janë të përthyera prapa. Pak më larg gropës, policia gjeti një kazëm guri me bisht druri e shtrirë në tokë, me drejtim jug-veri. Pas pastrimit të dheut, u gjend e shtruar në pjesën e poshtme të gropës, thes plastik me ngjyrë të bardhë, i grisur, me mbishkrimin “Diamond Fosfat”, i ndotur me njolla gjaku.
Nëna e engjëllit të vogël shprehet se, dora e Mateos kishte mbetur jashtë, e pagroposur. Si një shenjë rezistence ndaj Çalamanit dhe si një thirrje për banorët që ta shpëtonin nga duart e tij.
Discussion about this post