Parlamenti italian ditën e sotme ka zgjedhur Sergio Mattarellën si President të Republikës për një mandat të dytë 7-vjeçar.
Pas një jave paqartësish mes palëve, ka lajme të mira nga të zgjedhurit italianë. 80-vjeçari është zgjedhur në raundin e 8 të votimeve.
Krerët e grupeve të forcave politike u takuan me kreun e shtetit për të kërkuar disponueshmërinë e tij për rizgjedhje. Mattarella nuk dëshironte të rizgjidhej por iu kërkua për shkak të situatës së rëndë politike të krijuar pas dështimeve të njëpasnjëshme të raundeve të zgjedhjeve.
Gjithashtu, tejkalimi i 505 votave, të domosdoshme për tu zgjedhur, u përshëndet me një duartrokitje nga shumica e ligjvënësve.
“Kisha planet të tjera, por e respektoj Parlamentin”, tha presidenti duke konfirmuar “po-në” e tij pas marrëveshjes së arritur me mazhorancën për rikandidim.
Nga ana tjetër, Mattarella-s i është kërkuar nga liderët e partive në pushtet të qëndrojë si kreu i shtetit pasi ata nuk arritën marrëveshje për një kandidat që mund të siguronte mbështetje të gjerë nga 1009 parlamentarë dhe përfaqësues rajonalë që zgjedhin presidentin.
Së fundmi, 80-vjeçari, i cili përfundonte mandatin e tij shtatëvjeçar më datën 3 shkurt, ka thënë vazhdimisht se nuk dëshiron një mandat të ri.
Megjithatë, atij mund t’i duhet t’i nënshtrohet presionit, veçanërisht duke pasur parasysh që Mario Draghi, kryeministri, thuhet se i tha të shtunën se duhej të qëndronte në post “për të mirën dhe stabilitetin e vendit”.
Discussion about this post