Teka maturantët testohen, tezat e provimit të Matematikës janë publikuar në rrjetet sociale.
Faqja “Studentët Denoncojnë” ka postuar variantin A të provimit të katërt të Maturës 2024. Më vonë, u publikua edhe varianti B i tezës.
E njëjta situatë u shënua edhe në testimet paraardhëse, atë të Gjuhës së Huaj, si dhe Gjuhës Shqipe dhe Letërsisë. Ministria e Arsimit deklaroi se publikimi i tezës nuk cënon procesin, teksa problematika mbartet vit pas viti.
Të premten e kaluar u publikuan edhe rezultatet e testimit të parë, atë të Gjuhës së Huaj, që nxorën 952 maturantë ngelës nga 26 616 në total. Shifra ngriti shqetësime për cilësinë e mësimdhënies.
Të dhënat zyrtare nga Ministria e Arsimit treguan edhe rënien e numrit të maturantëve gjatë kësaj dekade. Sipas shifrave, numri i maturantëve gjatë 10 viteve të fundit ka pësuar rënie me 34%.
Discussion about this post