Pa pas nisjes së testimit të dytë të maturës 2024, një nga varantet e tezës së Gjuhës Shqipe dhe Letërsisë është publikuar online.
Në një postim në rrjete sociale, faqja “Studentët Denoncojnë” ka publikuar variantin A të tezës së Gjuhë Letërsisë.
Më vonë u publikua edhe varianti B.
E njëjta situatë ndodhi edhe në 3 Qershor, kur maturantët iu nënshtruan provimit të gjuhës së huaj. Edhe atëherë tezat u publikuan onlie teksa studentët ishin në provim, duke shënuar një shkelje të rregullores për Maturën Shtetërore të firmosur nga vetë ministrja e Arsimit dhe duke vënë në pikëpyetje integritetin e gjithë procedurës – që përbën ndoshta fazën më të rëndësishme për të ardhmen arsimore dhe profesionale të një nxënësi.
Historia është përsëritur rëndom përgjatë viteve të fundit.
Pavarësisht deklaratave nga autoritetet për marrjen e masave për mbarëvajtjen e procesit, tezat vijojnë të ekspozohen në internet në një kohë kur nxënësit u nënshtrohen provimeve.
Në një reagim javën e kaluar lidhur me problematikën, ministria e Arsimit e drejtuar nga Ogerta Manastirliu pretendoi se publikimi i tezës nuk cënon procesin.
Të njëjtin argument përdori edhe këtë të hënë.
Njësoj u shpreh edhe paraardhësja e Ogerta Manastirliut, Evis Kushi vitin e kaluar, pas publikimit të tezave online pak pas nisjes së testimeve.
Discussion about this post