Drejtori sportiv i Paris Saint-Germain Leonardo nuk pret që Kylian Mbappe të largohet në fund të sezonit dhe është i bindur se sulmuesi francez do të nënshkruajë një kontratë të re.
Mbappe, kontrata e të cilit mbaron në qershor 2022, është i lirë të nënshkruajë një marrëveshje para-kontrate me një tjetër klub në janar.
Ai ishte subjekt i një oferte prej 137 milionë paundësh nga Real Madrid gjatë dritares së transferimit.
“Unë nuk mendoj se askush këtu e sheh të ardhmen pa të. Unë nuk e shoh Kylian të largohet në fund të këtij sezoni. Marrëdhënia e Mbappe me PSG është e thellë.”- tha Leonardo për Canal Plus.
Leonardo tha se një ofertë e dytë e raportuar nga Real “nuk arriti kurrë” dhe klubi nuk ishte i kënaqur me sjelljen e spanjollëve.
Fituesi i Kupës së Botës, i cili u bashkua nga Monaco në 2017 në një marrëveshje me vlerë 166 milionë paundësh ka fituar tre tituj të Ligue 1 dhe tre Kupa Franceze me PSG, si dhe ka ndihmuar klubin të arrijë finalen e parë të Champions League./K.T/Gijotina.com
