Mbërrin në Shëngjin anija “Libra” me tetë emigrantë nga Italia

Anija e marines italiane “Libra” ka mbërritur këtë mengjes në ujërat e bregdetit të Shëngjinit.

Rreth orës 8:00 pritet të ankorohet në portin detar të Shëngjinit, ndërsa sipas të dhënave, në bord janë vetem 8 emigrantë, të cilet do t’i nënshtrohen procedurave në qendrën pritëse e më pas do të transportohen drejt kampit të Gjadrit.

Në bord ndodhen 8 emigrantë me origjinë nga Bangladeshi dhe Egjipti. Anija u nis natën e 5 nëntorit me destinacion Shqipërinë.

Fillimisht ishte planifikuar që të ishin nëntë persona ata që do të silleshin drejt kampit të Gjadrit, por personi i nëntë, i cili ishte me origjinë nga Bangladeshi, u gjykua se ishte shumë e moshuar dhe me shëndet të dobët.

Gjyqtarët në Itali vazhdojnë të refuzojnë transportin e azilkërkuesve drejt vendit tonë, pavarësisht dekretit të miratuar nga qeveria italiane që ripërcaktoi listën e vendeve të sigurta me ligj.