Maqedonia e Veriut ka regjistruar në 24 orët e fundit 444 raste të reja me COVID-19.
Po ashtu 8 qytetarë nuk e kanë fituar dot betejën me virusin dhe kanë dnërruar jetë.
Deri më tani në Maqedoninë e Veriut janë kryer gjithsej 1.372.834 teste të Covid-19. Numri i përgjithshëm i personave të infektuar me COVID-19 që nga fillimi i epidemisë është 200.856.
Prej muajit nëntor, për të hyrë në një kafene në Maqedoninë e Veriut do të kërkohet doza e dytë e vaksinës.
Ky vendim është marrë dje në mbledhjen e qeverisë, ku janë miratuar masa të reja të cilat vijnë me propozim të Komisioni për Sëmundje Ngjitëse.
Qeveria gjithashtu njoftoi se do të lejohet organizimi dhe mbajtja e seminareve, trajnimeve, kurseve, mbledhjeve, punëtorive, konferencave në pjesën e mbyllur me 50% të kapacitetit.
