Pas përfundimit të mbledhjes së Këshillit të Mandateve, ku pati dhe shumë debate, deputeti i Partisë Demokratike, Gazmend Bardhi, kë dhënë një deklaratë për mediat nga selia e Kuvendit. Sipas rendit, ë seancën dëgjimore do të shqyrtohej edhe kërkesa e selisë blu për heqjen e mandatit të Xhaçkës, pasi bashkëshorti i saj ka përfituar 8 mijë metër katrorë tokë në bregdetin e Jugut, duke u konsideruar si investitor strategjik nga qeveria. Kjo pikë solli mjaft debate në mbledhje mes tij, Nikollës dhe Xhaçkës. Kështu në një deklaratë Bardhi u shpreh se seanca e sotme u kthye në seancë leximi, pasi ministrja Xhaçka u fsheh pas avokatit të saj duke mos denjuar t’i japë përgjigje shqiptarëve për çështjen.
“Ka miratuar së bashku me Edi Ramën, dhënien e statusi të investitorit strategjik, bashkëshorti të saj Artan Gaçi,. Keni parë me fakte sesi vija bregdetare i është për të ushtruar veprimtari përfituese familjes së Olta Xhaçkës. Kjo është në kundërshtim të ligjit për interesin. Ashtu siç e kërkonte procedura parlamentare, sot ishte thirru vetë ministrja Olta Xhaçka. Në një rast të pashembullt ajo zgjodhi të fshihej pas një avokati, duke detyruar kryetaren e Kuvendit që ta kthente seancën dëgjimore në seancë leximi. Deputetëve të opozitës por edhe deputetëve të mazhorancës ju mohua e drejta e tyre për të kërkuar shpjegime, për fat të keq jo nga zota Xhaçka e cila u fsheh pas avokatit. Disa nga pyetjet që PD do ti bënte sot ministres Xhaçka dhe avokatit të saj janë: Si ka mundësi që 8 mijë metër katrorë të vijës bregdetar të përfituara nga Olta Xhackcka dhe bashkëshorti konsiderohen hiç? Cilët nga qytetarët shqiptarë të lidhur me ministren Olta Xhaçka ka pasur mundësi të përfitojë 8 mijë metër katrorë tokë në bregdet me 3 euro për metër katrorë”, deklaroi Bardhi. Ndërsa gjatë mbledhjes ai ka vazhduar debate me tone të larta, duke i kërkuar ministres të jap llogari dhe të jetë transparente para qytetarëve.
Discussion about this post