Deputeti demokrat Enkelejd Alibeaj ka dhënë një deklaratë për mediat pas mbledhjes së grupit parlamentar ku gjithsej morën pjesë 26 deputetë dhe ku u diskutua çështja për Presidentin e ri.
Para gazetarëve, Alibeaj u shpreh se deputetët kishin rëndë dakord për emrat, por nuk bëri asnjë prej tyre publike, ndërsa tha se nesër do të zhvillohet mbledhja e radhës.
“Gjithçka çfarë është vepruar dhe artikuluar në selinë e kryesisë sot u mblodhëm në vijim të asaj të djeshmes që mori dakordësinë ditën e djeshme ky dokument. Diskutuam në sensin më të lartë të përgjegjësisë. Më e rëndësishme është që unë kam dëshirën që presidenti i republikës ne jemi ne proces për të zgjedhur president6in e shqiptarëve. Jemi unison nga 26 anëtarë, kolegët ua bëjmë me dije se në një mbledhje tjetër nesër pasdite do të diskutojmë të gjitha çështjet të pjesëmarrjes së këtij procesi në zgjedhje. Ti konsultojmë të gjithë deputetët të shprehin vullnetin e tyre , kjo është e para që dua të them publikisht dhe për cilindo të jetë transparent. Ne nuk kemi asgjë për të fshehur. Do të konsultohemi edhe me aleatët tanë, do të diskutojmë për të gjitha dëshirat dhe emrat që do na propozojnë”, tha Alibeaj.
Teksa tha se presin mendimin dhe sugjerimet e të gjithë deputetëve të grupit të PD-së, Alibeaj u pyet disa herë nëse priste mendim edhe nga Berisha, por ai theksoi se bëhet fjalë për grupin parlamentar të PD-së. Sipas vendimit të Kuvendit të PD-së në 8 dhjetor 2021 dhe vendimeve që pasuan atë, Berisha nuk është pjesë e këtij grupi.
Discussion about this post