Përtej organizimit në stadiume dhe përgatitjeve sportive, një nga sfidat më të mëdha të Botërorit 2026 është mbrojtja nga kërcënimet kibernetike.
FIFA po përballet me një numër të jashtëzakonshëm sulmesh nga jashtë, ndërsa teknologjia luan një rol vendimtar në funksionimin e turneut.
Sipas drejtorit të teknologjisë së FIFA-s, Nacho Fresco, qendra e operacioneve kibernetike përballet me rreth 500 milionë sulme kibernetike çdo ditë.
“Në Botërorin e Katarit 2022 patëm rreth 1.1 miliard sulme gjatë gjithë turneut. Tani numri është edhe më i madh, edhe për shkak të situatës gjeopolitike në botë”, deklaroi Fresco.
Megjithatë, deri tani masat e marra kanë funksionuar dhe organizatorët shprehen të kënaqur me mënyrën se si po menaxhohet situata.
“Kemi kënaqësinë të themi se gjithçka po ecën mirë”, kanë bërë të ditur drejtuesit e qendrës teknologjike, nga e cila kontrollohen miliona lidhje dhe procese që mbajnë në funksion Botërorin 2026.
Gjatë një vizite në qendrën e teknologjisë para nisjes së turneut, presidenti i FIFA-s, Gianni Infantino, vlerësoi rolin e stafit që merret me sigurinë dhe koordinimin.
“Ju jeni përgjegjësit për të koordinuar gjithçka dhe për t’u siguruar që çdo gjë të funksionojë pa pengesa dhe në mënyrë perfekte. Ju jeni bërthama. Jeni zemra e Botërorit”, u shpreh Infantino.
Discussion about this post