Ka përfunduar ditën e sotme afati i kandidimeve në prokurorinë e posaçme SPAK. Deri tani pranë KLP-së kanë kandiduar prokurorët Alfred Shehu, Elvin Gokaj, Sonila Muhametaj (Domi). KLP njofton se të tre prokurorët kanë kaluar me sukses procesin e vettingut
Para disa ditësh, me vendim të KLP-së u ngrit Komisioni i Posaçëm që do të verifikojë, vlerësojë e pikëzojë kandidaturat. Në fazën e parë, të dorëzimit të dokumentacionit sipas kritereve dhe kushteve të shpallura në faqen zyrtare të SPAK, kanë aplikuar në total 25 kandidatë ku 12 prej tyre kanë kaluar në intervistën e strukturuar me gojë. Një nga kandidatët e kualifikuar në këtë fazë, nuk u paraqit në datën e përcaktuar për intervistë. Ndërsa në fazën e radhës aplikimet kanë qenë më të pakta. Pavarësisht thirrjeve të shumta nga KLP, interesi nga na e prokurorëve nuk ka qen shumë i lartë.
