Ditën e sotme kryeministri Edi Rama deklaroi se në vitin që vjen, Kadastra do të mbyllet si sportel dhe dokumentet e pronësisë do mbërrijnë në telefon. Kreu i qeverisë tha se do të çlirohen qytetarët nga pesha e administratës, duke i dhënë akses të plotë në shërbimet administrative përmes smartfonit apo kompjuterit.
“Kadastra do mbyllet si sportel për të aplikuar që të heqim dhe sekserët. Po bëjmë, i kemi dhënë shtysë të re, procesit të digjitalizimit të plotë të kadastrës që brenda këtij mandati titulli i pronësisë të të vijë në telefon. Është e mundur të mos shkohet fare në kadastër për të aplikuar, sportelet e kadastrës do mbyllen. I bëjmë këto takime për t’i thënë shqiptarëve që keni një Shqipëri të re.
Qytetarët për të marrë një shërbim kanë qenë të detyruar që të shkojnë në zyra të tjera për të marrë dosjen, shkojnë kërkohen shumë letra, për të marrë një dokument duhet të bësh 10 radhë, kjo nuk do ekzistojë më, ti do bësh vetëm aplikimin, dhe të gjitha letrat që ti deri më sot i merr ti nëpër zyra do i siguroi vetë zyra ku t’i aplikon. Nuk do kesh më nevojë të çosh dëshmi penaliteti”, u shpreh ai. Sipas tij, kjo fazë do të bëjë që njerëzit të mos kenë më kontakte me godinën dhe mos sorollaten më.
Discussion about this post