Odeta Barbullushi, këshilltare e Kryeministrit Edi Rama, e konsideron krejt normale praninë e Aleksi Soros në dy samitet e mbajtura së fundmi në Tiranë.
Barbullushi tha se pjesëmarrja e tij s’ka pse të trajtohet kështu në Shqipëri, pasi Fondacioni që ai drejton, ka dhënë një kontribut të madh në vendin tonë që nga vitet ’90.
Në sqarimin që ajo I bëri faktit se Soros është present pothuajse në të gjitha nismat që ndërmerren, tha se ai është prezent edhe në Shtëpinë e Bardhë.
“Ishte në rolin e një vëzhguesi. Ai merr pjesë edhe në Samitin e Sigurisë në Mynih, ishte edhe në samitin e mbajtur para 1 muaji, është I pranishëm edhe në Shtëpinë e Bardhë, atëherë pse kjo qasje në Shqipëri”, tha Barbullushi.
Ajo tha se të pranishëm në Samit ishin disa nga fondacionet, organizatat dhe kontributorët e projekteve të ndryshme, ndaj nuk ka asnjë arsye pse të ketë një mënyrë trajtimi të tillë në Shqipëri, për pjesëmarrjen e Soros në samitet që mbahen.
Pjesë nga biseda në studio:
Andi Tela: Me çfarë statusi ka qenë Alex Soros në Samit?
Ylli Rakipi: Jo vetëm në këtë Samit por edhe në shumë takime të tjera.
Odeta Barbullushi: Ka qenë në nivelin e vëzhguesit, ai nuk foli dhe nuk ishte pjesëmarrës në tavolinë. E para, pjesë e ekipit do të thotë të jetë pjesë e delegacionit dhe nuk ishte pjesë e delegacionit. Ka organizata rajonale që ndihmojnë për integrimin Europian, organizata ndërqeveritare. Ka qenë në të njëjtën takim në Shkup si vëzhgues. Pa hyrë në detaje, sepse kjo është të flasësh për pjesëmarrjen e një organizate. Këta kanë qenë pjësë e implementimit të proceseve, demokratizuese, të paqes, etj.Po ta krahasojmë, kontributi që ka dhënë është në që fillim të viteve 90’ dhe është domethënës. Të gjithë vendet pjesëmarrëse aty, ndërveprojnë me të njëlloj si ne dhe nuk e kanë problem që është pjesë si vëzhgues. Ai është pjesëmarrës në konferenca shumë prestigjoze, prandaj nuk e di pse në kontekstin tonë është kjo lloj ndjeshmërie.
Neritan Sejamini: Ai në Shtëpinë e Bardhë është privatisht. Nëse nuk do të ishte kështu bëhet skandal. Vajtjet në Shtëpi të Bardhë janë private, por edhe ato bëhen objekt diskutimi. Organizatat që ju përmendët janë ndërqeveritare. Qenia e tij aty ka diçka që bie ndesh. Nuk ndodh në asnje vend të botës, të jetë mbrapa liderëve, si të ishte mbrapa Presidentit të SHBA. Kjo nuk është normale.
Discussion about this post