Operatori i Shpërndarjes së Energjisë Elektrike ka mundur të sigurojë deri tani vetëm gjysmën e energjisë që kërkohet për konsum në periudhën 14 deri 17 Tetor 2021. Gjatë një ankandi të hapur këtë të hënë nga Furnizuesi i Tregut të Lirë u bë e mundur blerja e 19 400 megavat për orë nga 44 400 megavat që nevojiten me një çmim mesatar prej 255 eurosh.
Kjo shifër është më e larta e regjistruar ndonjëherë dhe tejkalon edhe blerjen e energjisë në ankandin e fundit, ku çmimi mesatar arriti në 233 euro për megavat në ore.
Në Bursën Hungareze çmimi i energjisë në pik për këtë të hënë (11 tetor) ishte 227.18 euro MWh me një ulje të lehtë në raport me datën 10 tetor 2021. Vlera më ulët është 192.71 euro MWh. Çmimi mesatar për të dyja ditët u luhatet në 210 euro/MWh.
Ankandi i fundit i FTL vjen vetëm dy ditë pas publikimit të planit të qeverisë për t’i blerë ballë situatës së krijuar me energjinë jo vetëm në Shqipëri por edhe më gjerë.
Kryeministri deklaroi gjatë daljes së tij para mediave se biznesi i vogël dhe konsumatori familjar do të jenë të mbrojtur. Ai nënvizoi se janë të paktën tre pika që parashikohen përmes planit ku ndër të tjera sigurimi pa ndërprerje i energjisë dhe mbrojtja e kategorive më vulnerabël. Për OSHEE u vendos në dispozicion një vlerë prej 100 milionë eurosh për të përballuar importet këtë vit dhe 100 milionë të tjera për vitin e ardhshëm. Aktualisht vendi është nën emergjencën e shpallur të furnizimit me energji.
