Ditët e fundit këngëtarja Britney Spears ka zgjedhur të zhvendoset pak nga problemet gjyqësore me babain e saj dhe të ndajë me fansat një lajm të gëzueshëm. Spears ka njoftuar në rrjetet sociale fejesën e saj me trajnerin personal Sam Asghari, duke mbledhur mbi një milion e gjysmë shikime në vetëm pak orë.
“Princesha e Pop-it” postoi një video të shkurtër në Instagram duke treguar gishtin e saj unazor me një unazë diamanti, ndërsa krahas saj komentonte: Nuk mund ta besoj!
Sam Asghari, 27 vjeç, nga ana tjetër, postoi një fotografi në profilin e tij në të cilën puth Spears, e cila tregon gishtin me unazë. Të dy u takuan për herë të parë në vitin 2016, kur ata performuan së bashku në videoklipin e hitit të saj “Slumber Party”.
Ylli i popit, 39 vjeç, ka dy fëmijë nga një martesë e mëparshme me reperin Kevin Federline dhe kishte një martesë të shkurtër me mikun e fëmijërisë Jason Alexander, e cila u anulua pas vetëm 55 orësh.
