Drejtuesi Politik i Partisë Socialiste për Qarkun e Fierit, Taulant Balla gjatë një takimi me banorët e Kolonjës ka folur rreth garës për zgjedhjet e 6 marsit, duke thënë se aksush nuk do të votonte dyshen Meta-Berisha. Ai tha se dy politikanët janë futur në një thes, gjë të cilën Balla po e priste prej kohësh, ndërsa theksoi se qytetarët nuk e vlerësojnë këtë bashkëpunim të tyre.
“Unë nuk dua që të merrem me dy kandidatët që kemi përballë. Dua të merrem me kandidatët që i kanë vendoru ata. A mendon ndonjë prej jush që është koha sot t’i japim votën Sali Berishës dhe Ilir Metës, që mezi kemi pritur të bëheshin bashkë.
Unë personalisht mezi e kam prit këtë ditë, ditë më të bukur nuk ka që Saliun dhe Ilir t’i kesh bashkë në një thes, dhe shembulli më konkret i asaj që nuk duhet të bëjmë ne në Lushnje, është që nuk duhet të imagjinoni mos dalim në votime, të themi ‘hajt se e kemi të fituar’. Unë mendoj që duhet të bëjmë organizimin më të madh, të trokasim në cdo dere, e t’i themi njerëzve se duhet një referendum i madh në favor të nevojave që ka Kolonja, bashkia Lushnje dhe Shqipëria në funksion të mbështetjes që duhet t’i japim PS”, tha ai.
Ndërsa u shpreh me siguri se, pas 102 vitesh nga Kongresi i Lushnjes, Bashkia e Lushnjës do të drejtohet nga një vajzë lushnjare, Eriselda Sefa.
Discussion about this post