E ardhmja e Karim Benzema, me 99.9% mundësi, është drejt Arabisë Saudite, më konkretisht te skuadra e Al Ittihad. Sipas burimeve nga klubi arab për “Diario AS”, marrëveshja me sulmuesin francez është afër finalizimit.
Mbetet që Benzema apo Real Madridi ta zyrtarizojnë tratativën, por për momentin ai ka më shumë se një këmbë e gjysmë në ligën e Arabisë Saudite.
Al Ittihad është kampioni aktual i ligës saudite dhe drejtohet nga Nuno Espirito Santo, një njohës i vjetër i Ligës për të kaluarën e tij si ish-lojtar i Deportivo, Osasuna dhe Mérida dhe si ish-trajneri i Valencias. Madridi, në këtë moment, nuk e di vendimin e tij.
Prej muajsh, qeveria e Arabisë Saudite ka punuar për nënshkrimin e Benzema dhe gjithçka duket se tregon se më në fund ka arritur ta bindë.
Në fakt, Benzema ka zhvilluar biseda me Cristiano Ronaldon për ta pyetur për ligën saudite dhe jetën në vend. Sulmuesi francez do të firmosë në parim një kontratë dyvjeçare dhe paga e tij do të kalojë 100 milionë eurot (pa taksa) në sezon.
Benzema është takuar këtë pasdite me agjentin e tij në Valdebebas. Sapo të konfirmohet lamtumira, ai do t’i japë fund 14 sezoneve si “blanco”. Si lojtar i Real Madridit, ai ka luajtur 647 ndeshje, ka shënuar 353 gola dhe ka dhënë 165 asistime, duke fituar çdo trofe madhor me klubin e Realit të Madridit.
Discussion about this post