Rafael Leao mund të largohet nga Milani në merkaton e verës. Me kualifikimin në Champions League që duket një mision i vështirë, drejtuesit e kuqezinjve po mendojnë për disa shitje.
Theo Hernandez është i pari në listë, ndërsa bashkë me francezin ka gati “valixhet” edhe Leao. Portugezi ka qenë larg pritshmërive këtë sezon dhe kjo ka bërë që drejtuesit të mendojnë shitjen e tij.
Barcelona e ndjek prej kohësh luzitanin, por në garë së fundmi është futur edhe Liverpool. Sipas raportimeve nga “TeamTalk”, anglezët po studiojnë alternativa për krahun e majtë të sulmit, pasi Luis Diaz mund të largohet.
Në listën e drejtuesve ka përfunduar Leao, për të cilin Milani kërkon rreth 100 milionë Euro, ndonëse më parë kanë kërkuar 175 milionë Euro.
Merkato e verës pritet të jetë shumë e aktive te Milani, për shkak se kuqezinjtë po mendojnë për një revolucion, me lëvizje të shumta.
Discussion about this post