NATO duhet të gjejë ekuilibrin e duhur në mënyrën se si e trajton Kinën, pa e nënvlerësuar ose mbivlerësuar atë, tha kancelarja gjermane Angela Merkel sot pas samitit të udhëheqësve të Aleancës në Bruksel.
“Nëse shikojmë kërcënime kibernetike dhe kërcënime hibride, nëse shikojmë bashkëpunim midis Rusisë dhe Kinës, ne thjesht nuk mund ta injorojmë Kinën” u tha kancelarja gjermane gazetarëve.
“Por ne nuk duhet ta mbivlerësojmë atë, duhet të gjejmë ekuilibrin e duhur” shtoi ajo. Kina, vazhdoi Merkel, është një kundërshtare për shumë çështje por një partner për shumë të tjera.
Sa për Rusinë, ajo tha se nuk e shikonte NATO-në si një partner por “fatkeqësisht si një kundërshtar”. Ishte e qartë, vazhdoi Merkel, se nga debati i sotëm, Rusia paraqiste një sfidë të madhe.
Duke iu referuar Afganistanit, Merkel tha se Aleanca duhet të vlerësojë misionin dhe të zbulojë “çfarë shkoi mirë dhe çfarë jo”.
