Merr flakë makina në lëvizje në autostradën Vlorë-Fier

Një automjet është përfshirë nga flakët mbrëmjen e kësaj të enjteje në autostradën Vlorë-Fier. Nga ngjarja, nuk raportohet për persona të lënduar.

Sipas hetimeve parapake, dyshohet se flakët janë shkaktuar nga një defekt në mjet.

“Sot, rreth orës 22:30, në autostradën Vlorë-Fier, në afërsi të fshatit Panaja, një automjet me drejtues shtetasin Xh. K., ka marr flakë, në ecje. Dyshohet aksidentalisht si pasojë e një difekti teknik, ku ka vetëm dëme materiale”, njoftoi policia.

Grupi hetimor ndodhet në vendngjarje dhe po punon për zbardhjen e plotë të ngjarjen, shtojnë të njëjtat burime.