Në kuadër të operacionit për gjurmimin, identifikimin dhe sekuestrimin e pasurive qe rrjedhin nga aktiviteti kriminal, specialistët e hetimit në Tiranë janë sekuestruar pasuri që arrijnë vlerën 150.000 euro, në ngarkim të dy vëllezërve me precedent penal në fushën e krimeve ndaj jetës. Bëhet me dije, shtetasit Ariel Legasi 30 vjeç, dhe Oriol Legasi 30 vjeç, me precedent të mëparshëm penal në fushën e krimeve ndaj jetës, ndodhen të burgosur në Spanjë, pasi u kapën atje në flagrancë në një rrjetë prostitucioni në vitin 2018.
Specialistët e Seksionit për Hetimin e Pastrimit të Parave në DVP Tiranë, kishin dërguar materialet paraprake hetimore në Prokurorinë e Rrethit Gjyqësor Tiranë, e cila ka regjistruar procedimin penal për veprën penale “Pastrimi i produkteve të veprës penale ose të veprimtarisë kriminale”. Kështu, në zbatim të këtij procedimi, u bë e mundur verifikimi dhe më pas sekuestrimi i pasurisë së dy vëllezërve. Nën drejtimin e Prokurorisë po vijon puna për të zbuluar asete të tjera që këta shtetas dhe familjarët e tyre mund t’i kenë regjistruar në emër të personave të tjerë.
