Është zbardhur dosja që la në burg ish-ministrin e Brendshëm Saimir Tahiri. Sipas News 24, gjykata pretendon se Tahiri ka lejuar me ndërgjegje personat që ndodhen pranë tij, për të favorizuar grupin e Habilajve. Po ashtu, në dosje është thënë lidhjet që një person pranë Tahirit, kishte me Habilajt si dhe me kreun e saj Moisiun.
Ata kanë dalë në përfundimin se ka pasur 4 thirrje telefonike dhe qindra mesazhe mes personit pranë Tahirit dhe Moisi Habilajt. Theksohet, se Saimir Tahiri nuk ka pasur kontakte të drejtpërdrejta me Moisi Habilajn, por komunikimi zhvillohej nëpërmjet personave që ndodheshin pranë tij.
Sa i përket dhuratave, të publikuara në fashikujt e përgjimeve italiane për këtë çështje, thuhet se grupi Habilaj i ka bërë dhurata të shtrenjta familjarëve të Tahirit, por nuk është gjetur asnjë provë e këtyre dhuratave.
Tashmë që vendimi është zbardhur, i hapet rrugë që kjo çështje të gjykohet në Gjykatën e Lartë. Vlen të përmendet se Tahiri është duke vuajtur dënimin në burgun e Fierit, e ai është dënuar me 3.4 vite burg nën akuzën e “shpërdorimit të detyrës”.
( Lexo këtu arsyetimin e plotë )
Discussion about this post