PSG arriti të mposhtë Nantes këtë fundjavë në ‘Parc de Prince’ duke vazhduar në këtë mënyrë marshimin drejt titullit kampion. Në këtë takim Messi ka arritur të gjejë golin e parë me skuadrën, që nga momenti i afrimit me parisienët.
Kylian Mbappe ishte ai që zhbllokoi rezultatin në minutën e 2’, me PSG që u mjaftua me kaq në pjesën e parë.
Keylor Navas do të ndëshkohej me karton të kuq, dhe pikërisht në këtë moment miqtë e Nantes do të merrnin zemër duke barazuar shifrat me Kolo Muani, por gabimi i shokur të tij të skuadrës me autogolin në minutën e 81’ do të kalonte avantazhin në favor të PSG.
Mbappe do të dhuronte një asist në minutën e 87’ për Messin, që arrin më në fund të gjejë golin e parë në kampionatin francez.
Pas tre pikë të arkivuara nga kjo përballje, PSG thellon me 13 pikë diferencën me ndjekësit e Lens që gjenden në vendin e dytë të Ligës 1 në Francë.
Discussion about this post