Kryetari i Partisë së Lirisë, Ilir Meta ka deklaruar se Shqipëria është vendi me pagat më të ulta në Rajon dhe Europë.
Meta u shpreh se fuqia punëtore e kualifikuar largohet masivisht, për shkak të kushteve të këqija të punës, mosvlerësimit të meritokracisë dhe mungesës së shpresës.
“Përqëndrimi i ekonomisë tek ndërtimi dhe favorizimi i oligarkisë zhvatëse ka thelluar papunësinë, mjerimin dhe përjashtimin social, ka mbyllur qindra mijëra vende pune, duke dëmtuar rëndë biznesin e ndershëm, turizmin, bujqësinë e blegtorinë dhe dëmtuar rëndë mirëqenien e familjeve të thjeshta punëtore”, deklaron kreu i PL-së.
Meta shprehet se 5 prioritetet e Partisë së Lirisë për 4 milion shqiptarë plus “jo vetëm i japin fund dramës së shpopullimit por edhe shpërblejnë punën, njerëzit e punës dhe meritokracinë, mbështetin prodhimin vendas, garantojnë zhvillim të qëndrueshëm ekonomik dhe një Shqipëri, fuqi eksportuese”.
Reagimi i Metës vjen nëpërmjet një statusi në profilin tij facebook në ditën e punëtorëve.
Discussion about this post