Në kuadrin e vizitës së tij në Kosovë, presidenti Ilir Meta ndodhet në një bashkëbisedimi me pedagogë e studentë me temën “Shqiptarët, faktor stabiliteti në Ballkan”.
Gjatë takimit, Meta është ndalur tek nisma e “Open Balkan”, ku tha se aksionet e caktuara politike si edhe mohimi i gjenocidit nuk mund të bashkëjetojnë me aspiratat europiane.
“Deklaratat dhe aksionet e caktuara politike, frymëzimi i kriminelëve të luftës dhe mohimi i gjenocidit nuk mund të bashkëjetojnë me aspiratat europiane. Arkitektura e paqes dhe sigurisë që NATO dhe BE kanë projektuar është garancia më e mirë. Shqipëria duhet të përmbushë angazhimet e saj si vend anëtar i NATO-s, Kosova duhet të punojë pa u lodhur për anëtarësimin në NATO dhe rrugën drejt BE-së. Po konstatojmë halucinacione të padobishme si në drejtim të marrëdhënieve me Kosovën dhe BE e kam fjalën për të ashtë-quajturin “Open Balkan”. Është me rëndësi që të kemi në konsideratë parimet që garantojnë një bashkëpunim të qëndrueshëm dhe afatgjata. Si mund ti besojmë qëllimeve të mira kur ringjallet fantazma e Millosheviçit”, tha Meta.
Presidenti tha ndër të tjera, se Shqipëria dhe Kosova ndajnë interesa të përbashkëta strategjike dhe se duhet të vazhdojë bashkëpunimi mes dy vendeve.
Discussion about this post