Kreu i Partisë së Lirisë Ilir Meta, ka folur pas takimit në selinë blu me liderin demokrat Sali Berisha.
Meta tha se në zgjedhjet e 14 Majit, qytetarët do të bashkohen për ndryshim, në mënyrë që kryetarët e bashkive të jenë më transparencë dhe më llogaridhënës.
“Ky është një bashkim për ndryshim, ky nuk është një bashkim për pushtet. Është bashkim që do të rikthejë llogaridhënien dhe transparencën.
Ju besoj u njohët me lajmin që qeveria do të duhet të paguajë 110 milionë euro gjobën për Beçhetin, për faj të Edi Ramës dhe Erion Veliajt, dhe po dje erdhi një lajm nga Kosova, ku qeveria atje fitoi arbitrazhin e tretë për këtë vit”, u shpreh Meta.
Po ashtu ai i cilësoi si mashtrime elekorale, vendimet e qeverisë për të rritur pagat.
“Qytetarët janë mësuar me mashtrimet e Edi Ramës, qytetarët e dinë që në vitin e 10 apo të 11 shëndetësia nuk është falas, kështu që qytetarët nuk mund të harrojnë. Pas rënies së fuqisë blerëse të tyre përgjegjës është Edi Rama”, tha Meta.
Discussion about this post