Kreu i Partisë së Lirisë, Ilir Meta akuzoi kryeministrin Edi Rama se ka mbështetur dhe koordinuar vetë pastrimin e parave të narkotrafikut dhe krimit me anë të lejeve të ndërtimit.
Në fjalën e mbajtur ditën e sotme në mbledhjen e Kryesisë së Partisë së Lirisë, Meta tha se Edi Rama personalisht ka koordinuar grupet kriminale nga Veriu në Jug duke i përdorur vetëm për interesat e tij dhe kapjen e shtetit në çdo qelizë .
“Marrëveshja me Italinë është e veshur me hije të errë ta korruptive si në Itali dhe Shqipëri. Fakt është që kampi që duhet të përfundonte në maj, nuk dihet në se përfundon në fund të vitit. Kështu duket që marrë veshja e emigrantëve është bërë për interesa personale reciproke, sikurse u sajua emergjenca e plehrave dhe afera e inceneratorëve”, tha Meta.
Sipas tij, qëllimi dhe vizioni i Edi Ramës, është ai i konsolidimit të një narkoshteti që nuk ka nevojë për mendje krijuese dhe kritike.
“Rama ka përdorur kanabizimin për të mbajtur pushtetin me çdo çmim, siç e theksoi edhe dje ish zëvendëskryeministri i tij në RAI3”, tha Meta.
Discussion about this post