Ish-sekretari gjerman i Shtetit për Evropën, Michael Roth, ka kërkuar ditën e sotme që të zbuten ngërçet RMV-Bullgari. Me anë të një postimi në rrjetet e tij sociale, Roth shkruan se në të dy vendet, siç e njeh Maqedonia pakicën bullgare, ashtu edhe Bullgaria duhet ta njohë pakicën maqedonase. Po ashtu, ai shton se në Bashkimin Europian asnjë vend nuk mund të vendosë për gjuhën e kulturën e një vendi tjetër, duke iu referuar vetos së Bullgarisë.
“Është shumë mirë që kryetarët e rinj të qeverive të Bullgarisë dhe Maqedonisë së Veriut po takohen! Ashtu siç Maqedonia njeh pakicën bullgare në Maqedoni, ashtu edhe Sofja zyrtare duhet të zbatojë përfundimisht vendimet e Gjykatës Evropiane për të Drejtat e Njeriut dhe të njohë pakicën maqedonase në Bullgari. Në BE, asnjë vend nuk mund të vendosë për gjuhën dhe kulturën e një vendi tjetër”, shkruan Roth në Twitter.
Veto e Bullgarisë ndaj RMV po bëhet pengesë edhe për procesin e integrimit të Shqipërisë, prandaj shumë vende po lobojnë ndaj zgjidhjes së këtij ngërçi.
Discussion about this post