Skuadra e Romës sfidon Bolonjan këtë të mërkurë në kampionatin italian, sfidë shumë delikate për verdhekuqtë të cilët kërkojnë fitoren e radhës. Trajneri i Bolonjas, Sinisa Mihajloviç ka zbuluar një prapaskenë me teknikun aktual të Romës, Jose Murinjon.
“Mourinho është një trajner i madh dhe një njeri i madh. Jemi bërë miq dhe dëgjohemi shpeshherë, më ka shkruajtur kur u bëra gjysh duke më thënë se edhe ai do të dëshironte të kishte këtë status. Jam shumë i lumtur që do ta takoj, më është dukur gjithnjë simpatik dhe vetëm në fillime jemi grindur disi.
Njëherë ai tha diçka kundër meje dhe unë iu kundërpërgjigja se nuk mund të flisja me dikë që nuk kishte luajtur kurrë futboll në nivele të larta. Por, u sqaruam dhe mbetëm miq. Mou më ka qëndruar pranë edhe kur isha i sëmurë dhe unë këtë nuk e harroj. Ne vijmë nga dy vende ku besnikëria është kryesorja e një karakteri dhe kështu kemi diçka të përbashkët”, u shpreh Mihajlovic.
Discussion about this post