Fundi i sezonit të Milanit sillet rreth një fjale kyçe: prioritetet. Fillimisht gjysmëfinalja e Champions League kundër Interit, më pas vendi i katërt në kampionat dhe në fund merkato, edhe sepse kjo e fundit kushtëzohet nga dy variablat e parë.
Milani duhet të hyjë përsëri në top katër vitin e ardhshëm, i treti me radhë, përpara se të fillojë të mendojë për biznesin dhe negociatat.
Për momentin ka disa emra në fletoren e Maldinit dhe Massara, por nevoja është të përforcohen disa role, si zëvendësuesi i Giroud si dhe anësori i djathtë.
Nyja e parë ka të bëjë me rinovimin e Leaos dhe njëzet e dy milionët që ai i detyrohet Sportingut. Dy shuplakat e fundit që i janë dhënë Leçes kanë treguar se Milani nuk bën dot pa të.
Palët kanë muaj që diskutojnë kontratën dhe duken pranë firmës, por ende janë në negociata. Rafa u tha jo Chelseat dhe Real Madridit. Me pak fjalë, ka një spirale shtesë optimizmi.
Disa emra mbeten në prapavijë në rast shitjeje. Mes tyre është Noah Okafor, një sulmues nga Salzburgu, i cili mund të luajë edhe si anësor.
Këtë vit ai shënoi kundër Milanit në Champions League, në të parën nga dy ndeshjet e fazës së grupeve. Kontrata e tij skadon gjithashtu në vitin 2024, kështu që kostoja është e ulët (rreth 25 milionë). Numrat e tij janë premtues: 10 gola dhe pesë asistime në 32 ndeshje.
Pavarësisht se si do të përfundojë në ligë, Milani e di se do të duhet të ndërhyjë për të përmirëuar sulmin.
Giroud ka rinovuar edhe një sezon, por në shtator do të mbushë 37 vjeç, ndaj i duhet një tjetër sulmues. Maldinit dhe Massaras i pëlqen Joao Pedro i Ëatford, një brazilian njëzet e një vjeçar me njëmbëdhjetë gola në Championship, por ai duket i destinuar për në Premier League.
Është ende e kalueshme rruga që të te Alvaro Morata, i lindur në vitin 1992, një sulmues që e njeh mirë Serinë A.
Së fundi, Ibra mbetet një enigmë: nga njëra anë është vullneti i tij për të vazhduar, nga ana tjetër dyshimet për aftësinë e tij fizike.
Suedezi është 41 vjeç dhe ndaj Leçes u dëmtua gjatë përgatitjes para ndeshjes për shkak të problemit të zakonshëm të pulpë. Situata mbetet për tu monitoruar.
Në fund, Origi, i lidhur me Milanin deri në vitin 2026, u tregua joefektiv në disa raste. Edhe për të do të duhet të bëhen rivlerësime.
Shqetësimi i fundit ka të bëjë me krahun e djathtë, edhe nëse pika e kthesës mund të çojë në një emër të njohur: Brahim Diaz.
Spanjolli është nën kontratë me Realin, Milani mund ta blejë atë për 22 milionë dhe Blancos kanë të drejtën e riblerjes në 27 milionë, por në disa daljet e fundit spanjolli ka qenë më bindës si krah i djathtë.
Mund të ketë një të ardhme si titullar në atë krah. Për momentin nuk ka emra të tjerë, duke u kuptuar se Pioli ka gjithmonë Saelemaekers dhe Messias.
Idea më e fundit për rolin e mesfushorit trekuartist e ka emrin Tommaso Baldanzi, njëzet vjeçari i Empolit, i kërkuar edhe nga Interi dhe Napoli. Konkurrenca është e lartë, por djali intrigon shumë.
Discussion about this post