Ditën e hënë, Milani do të bëjë debutimin sezonal, në Serie A, në takimin përballë Bolognas, me kuqezinjtë që shpresojnë ta nisin mirë këtë kampionat.
Duke folur për Bologna-Milan, ndeshjen e parë të Serisë A 2023-2024 për Milanin, dallohet një shifër domethënëse. Ekipi i Stefano Piolit do të shfaqet në debutimin sezonal me një formacion pa lojtarë italianë.
Kapiteni i kuqezinjve, Davide Kalabria, në fakt nuk është në maksimumin e tij dhe të paktën fillimisht do të lërë hapësirë në krahun e djathtë në mbrojtje të formacionit 4-3-3 të Milanit për francezin Pier Kalulu.
Franca do të jetë kombi më i përfaqësuar nga kuqezinjtë në stadiumin “Dall’Ara” të Bolonjës, me katër lojtarë: vetë Kalulu, më pas Majk Menja, Teo Hernandez dhe Olivie Zhiru. Për më tepër me Jasin Adli mes rezervave.
Në formacion edhe nga dy anglezë (Fikajo Tomori dhe Ruben Loftus-Çik), një gjerman (Malik Çau), njëboshnjak (Rade Kruniç), një holandez (Tizhani Reijnders), një amerikan (Kristian Pulisiç) dhenjë portugez (Rafael Leao).
Gjithashtu ndryshimet e para në pankinë janë lojtarët e huaj: një danez (Simon Kjær) për mbrojtjen, një nigerian dhe një argjentinas për korsinë (Samuel Çukueze dhe Luka Romero) dhe një zviceran (Noah Okafor).
Më 13 mars 2023, me rastin e Milan-Salernitana 1-1 në “San Siro”, Milani ishte shfaqur në fushë me 11 lojtarë të huaj për herë të parë në më shumë se një shekull. Më pas nga pankina u aktivizuan Florenci dhe Sandro Tonali, ndërsa Mateo Gabia i shikonte nga stoli.
Në këtë aspekt, të hënën parashikohet njëtjetër takim me historinë, pasi nëse konfirmohet formacioni pa italianë, kuqezinjtë dotë luanin gjithashtu për herë të parë në historinë e tyre në transfertë pa italianë.
Discussion about this post