Janari 2020 është muaji i rikthimit të “Perëndisë” në Milanelo. “Ibra është kthyer” me premtime dhe ambicie: “Do ta kthej Milanin aty ku e meriton”. Dhe kështu bëri, dy vjet më vonë. Goli i parë me fanellën e Milanit vjen më 11 janar kundër Cagliarit. Ibra mban numrin 21 dhe shënon pas një ore ndaj bashkatdhetarit Olsen. Ai nuk kishte shënuar që nga 25 tetori. Është tulla e parë drejt Scudettos. Zlatan është i vetmi që e beson.
Shumë kohë ka kaluar nga ajo mbrëmje e bukur maji në Reggio Emilia, kur Milani, festoi Scudetton. Tani, situata ka ndryshuar shumë… dhe keq madje. “Il Diavolo” po kalon një moment të vështirë dhe vetëm rikthimi i Zlatan Ibrahimovic do të ishte kundër helmi i duhur për të larguar negativitetin brënda klubit. Milani mund të shpresojë edhe te precedentët, ditën e sotme.
Suedezi është mësuar të shënojë në rikthimin e tij pas lëndimeve. Kundër Torinos ai do të jetë në stol pas tetë muajsh, dhe, nëse aktivizohet dhe shënon ndaj granatave, ka t’u bërë golashënuesi më i vjetër në histori të Serisë A në vend të Costacurta, i cili shënoi në moshën 41-vjeçare.
Discussion about this post