Vijon të mbetet mister atentati në Tiranë ku një i ri u qëllua për vdekje. Autoritetet ende nuk kanë mundur të identifikojnë autorët që ekzekutuan me armë zjarri 37-vjeçarin Iljaz Çalin.
Mësohet se Çali rezulton aksioner në kompaninë “Çali Metal SHPK’”, me objekt shfrytëzimin dhe përpunimin e mineralit të kromit. 37-vjeçari rezultonte të kishte një biznes të përpunimit të kromit në emrin e tij, ku bashkëpronar ishte edhe i vëllai, e regjistruar që në 2011.
Iljaz Çalit në të njëjtën datë kur u vra vet, më 4 prill të vitit 2014 i kanë ekzekutuar shokun e ngushtë i cili gjithashtu kishte edhe një biznes kromi, ndërsa dyshohej se ishte edhe vrasës me pagesë.
Pistat e hetimit për ekzekutimin e Iljaz Çalës janë ajo e larjes së hesapeve por edhe ajo e konfliktit për biznesin e kromit. Ndërkohë, mësohet se policia nuk ka gjetur gëzhoja në vendin e atentatit të së dielës.
Discussion about this post