Mjekja pediatre, Sonila Brati, ka ngritur alarmin sa i përket numrit të lartë të fëmijëve që shtrohen në urgjencën e pediatrisë. Ajo ka diskutuar gjatë një interviste televizive lidhur me infektimet me Covid-19 te fëmijët dhe virozat, ku u shpreh se pas pushimeve të dhjetorit ka pasur një rritje të vizitave ku një mjek arrin të bëjë deri në 60 vizita në ditë.
Ndër të tjera ajo sqaroi se jo çdo fëmijë me kollë dhe temperaturë është infektuar me Covid pasi sipas saj ka shumë viroza në qarkullim, por këshilloi se prindërit nuk duhet ti neglizhojnë simptomat por t’i drejtohen mjekut dhe se tamponi është ai qe bën dallimin.
“Kemi pas një rritje te vizitave, është situatë e vështirë ku bëjmë gati 50-60 vizita një mjek. Pedriatria ka qenë plot. Në periudhën e dhjetorit kishim rënie të fëmijëve me Vovid por nëse i referohemi datës 4 janar deri sot kemi 2 fëmijë 10 dhe 14 vjeç dhe kjo ka qenë mosha më e prekur, ajo që preket më shumë me Covid. Temperaturat e larta janë ato që dominojnë te fëmijët, kur shkojnë mbi 5-6 ditë. Mund të kenë vetëm temperaturë të lartë dhe jo Covid.
Lodhje dhe temperaturë është një virozë dhe janë dhe rastet me temperaturë me rrufë dhe kollë të cilat janë dhe rastet më të mëdha që vijnë tek ne për vizitë. Kollë e cila zgjat shumë gjatë. sigurisht ka dhe të tjera viroza. Ka raste që viroza kalon dhe pa antibiotik, por ajo që po qarkullon aktualisht bën bronkolit sidomos te mosha 0-1 vjeç dhe duke qenë i vogël e ka të pamundur të nxjerr sekrecionet dhe duhet të ndërhyhet me antibiotik”, tha ajo.
E pyetur se sa kuptohet infektimi me Covid-19 te fëmijët dhe se si duhet të sillemi me ta, Bitri tha se fëmijët në përgjithësi nuk bëjnë simptoma të rënda përveç temperaturës së lartë.
Discussion about this post