Alvaro Morata është emri i parë që Xavi Hernandez mund të zgjedhë për pozicionin e qendërsulmuesit të Barcelonës në këtë merkato.
‘AS’ raporton se trajneri i Barçës ka komunikuar tashmë me sulmuesin, i huazuar te Juventusi nga Atletico Madrid dhe me agjentin e tij, ish-futbollistin Juanma Lopez .
Më tej shtohet se Xavi ishte ai që bëri hapin e parë duke thirrur Moratën për të zbuluar situatën e tij dhe sulmuesi theksohet t’i ketë thënë ‘OK’ për të veshur fanellën e Barçës. Veç kësaj, trajneri e bëri të shohë se jo vetëm që e dëshiron për këta gjashtë muaj, por se plani i tij është që të luajë më shumë vite në Camp Nou.
Ndonëse merr 10 milionë euro te Juventus, sulmuesi madrilen do të ishte i gatshëm të ulte pagën e tij në mënyrë që Barça të mund të respektonte ‘fair-play’-in financiar.
Xavi e vlerëson faktin që përshtatja e lojtarit do të ishte e menjëhershme, sepse në dhomën e zhveshjes së Barçës ka një grup bashkëlojtarësh në kombëtare: Busquets, Alba, Ferran Torres, Gavi dhe Ansu Fati./K.T/Gijotina.com
Discussion about this post