Alvaro Morata është një futbollist i cili shquhet për oshilacionet gjatë sezonet. Spanjolli rrallë herë ka luajtur një edicion të plotë pa ulje ngritje teksa shpesh herë ka rënë pre e tifozëve të cilët nuk kanë hezituar ta kritikojnë apo edhe kërcënojnë tek familja. Kjo gjë e ka vendosur në pozita shumë të vështira sulmuesin i cili ka theksuar se në disa momente nuk ngrihej dot as nga shtrati.
“Ka pasur momente kur nuk kam pasur as dëshirë për t’u ngritur nga shtrati. E kam thënë shpesh që kam kaluar shumë momente të shëmtuara dhe ndoshta me një mentalitet tjetër do të mund të isha një futbollist më i mirë. Por, kam ende shumë vullnet për të dalë nga momentet e vështira, përndryshe nuk do të kisha këtë karrierë që kam aktualisht”, u shpreh Morata.
Discussion about this post