Problemet me lundrimin e trageteve për shkak të motit të keq, ka pasur edhe në qytetin bregdetar të Vlorës. Mësohet se, një nga tragetet nuk ka mundur që të ankorohet për shkak të erës së fortë e motit të keq. Trageti është detyruar të presë litarët dhe të dalë në det të hapur, duke bërë që 129 pasagjerët të mbeten në mes të detit.
Probleme gjithashtu ka pasur edhe me molin e varkave. Disa varka të vogla e gomone janë fundosur por nuk ka pasur persona të lënduar, pasi mjetet lundruese kanë qenë të ankoruara.
Reshjet e shiut shkaktuan vonesa edhe në nisjen e trageteve nga Durrësi drejt Barit, ku Gijotina.com raportoi më herët se trageti “Rigel VII”, parashikuar për t’u nisur për lundrim drejt Barit në orën 03:00, u nis me rreth 1 orë vonesë, rreth orës 04:00 të mëngjesit të kësaj të marte.
Discussion about this post